महानगरपालिका कर चुकवणूक – लोकायुक्तांकडे पाठवले पत्र
बेळगाव:
बेळगाव महानगरपालिकेतील कोटी रुपयांच्या कर चुकवणुकीचा प्रकरण आता लोकायुक्त कार्यालयाच्या उंबरठ्यावर पोहोचले आहे. शहराच्या उपनगरातील वेगा कंपनीकडून कर वसुलीमध्ये घोटाळा झाल्याचे वृत्त पसरले होते. यामुळे महापालिकेच्या सर्वसाधारण सभेत चांगलाच गदारोळ झाला होता. अखेरीस हे प्रकरण लोकायुक्तांकडे सोपवण्याचा आदेश देण्यात आला.
सुरुवातीला माध्यमांमार्फत ही बाब बाहेर आल्यावर, आयुक्तांनी प्राथमिक चौकशी करून चौघांना कारणे दाखवा नोटीस बजावल्या होत्या.
याचबरोबर अंतर्गत चौकशीतही करचुकवणूक झाल्याचे निष्पन्न झाले. विशेष म्हणजे, या प्रकरणात संबंधित स्थायी समितीने कडक उपाययोजना सुचवायला हवी होती. आता त्या समितीवरसुद्धा लोकायुक्त चौकशी होण्याची शक्यता असल्याची चर्चा आहे.
