ಕಾನೂನು, ಧರ್ಮ ಮತ್ತು ಸಮಾಜ ಪರಿವರ್ತನೆಯ ದಿಕ್ಕು ತೋರಿಸುವ ದಿಗ್ಗಜ

ಅಶೋಕ ಹಾರನಹಳ್ಳಿ ಎಕೆಬಿಎಂಎಸ್ ಅಧ್ಯಕ್ಷರು.

ಇಡೀ ರಾಜ್ಯ ಅಷ್ಟೇ ಅಲ್ಲ ಹೊರ ರಾಜ್ಯಕ್ಕೂ ಬ್ರಾಹ್ಮಣ ಸಮಾಜ ಪರಿಚಯಿಸಿದ ಕೀರ್ತಿ ಅವರದ್ದು.

ಬ್ರಾಹ್ಮಣ ನಿಂದಕರ ವಿರುದ್ಧ ಗುಡುಗು ಹಾಕಿ ಸದ್ದಡಗಿಸಿದ ಹೆಗ್ಗಳಿಕೆ

ಎಕೆಬಿಎಂಎಸ್ಗೆ ಹೆಸರು ತಂದು ಕೊಟ್ಟ ಅಶೋಕ ಹಾರನಹಳ್ಳಿ.

ಸಮಾಜ ಸಂಘಟನೆಗೆ ಸ್ಪೂರ್ತಿ ತಂದ ಹಾರನಹಳ್ಳಿ

ನಾವು ಕೇವಲ ನಮ್ಮ ಸಮುದಾಯದ ಹಿತಾಸಕ್ತಿಗಾಗಿ ಮಾತ್ರ ಹೋರಾಡಬಾರದು. ನಿಜವಾದ ನ್ಯಾಯಕ್ಕಾಗಿ ಹೋರಾಡಬೇಕು. ಎಲ್ಲರಿಗೂ ಸಮಾನ ಅವಕಾಶ ಸಿಗುವಂತೆ ನೋಡಬೇಕು. ನಾವೇ ನಮ್ಮ ಪರವನ್ನು ಉನ್ನತ ಮಟ್ಟದಲ್ಲಿ ಪ್ರತಿನಿಧಿಸಬೇಕು!”

ಅವರ ಈ ಮಾತುಗಳು, ಸಮಾಜ ಪರಿವರ್ತನೆಯ ಹೊಸ ದಾರಿಗೆ ಬೆಳಕು ಬೀರುತ್ತವೆ. ಅವರ ಹೋರಾಟ, ಅವರ ನ್ಯಾಯಪಾಲನೆಯ ದೃಷ್ಟಿಕೋನ, ಮತ್ತು ಅವರ ಧಾರ್ಮಿಕ ಶ್ರದ್ಧೆ – ಈ ಎಲ್ಲಾ ಅಂಶಗಳು ಅವರು ನಾಡಿನ ಪ್ರಮುಖ ಚಿಂತನಶೀಲ ವ್ಯಕ್ತಿಗಳಲ್ಲೊಬ್ಬರಾಗಿ ಹೊರಹೊಮ್ಮಲು ಕಾರಣವಾಗಿವೆ

✍️ Ebelagavi ವಿಶೇಷ

ನ್ಯಾಯದ ಹಾದಿಯಲ್ಲಿ ನಿರಂತರವಾಗಿ ನಡೆಯುತ್ತಿರುವ ವ್ಯಕ್ತಿಗಳು ಕೆಲವರಿದ್ದರೆ, ಧರ್ಮ ಮತ್ತು ಸಮಾಜ ಪರಿವರ್ತನೆಯ ದಿಕ್ಕು ತೋರುವವರು ಕೆಲವರಿದ್ದಾರೆ.

ಆದರೆ, ಕಾನೂನು, ಧರ್ಮ, ಮತ್ತು ಸಮಾಜ ಸೇವೆ – ಈ ಮೂರನ್ನೂ ಸಮಾನವಾಗಿ ತಲುಪಿರುವವರ ಪೈಕಿ ಅಶೋಕ ಹಾರನಹಳ್ಳಿ ಅವರು ನಿಸ್ಸಂದೇಹವಾಗಿ ಪ್ರಮುಖ ವ್ಯಕ್ತಿ. ವಕೀಲರಾಗಿ ಹೆಸರಾಗಿದ್ದರೂ, ಅವರ ಜೀವನದ ದಾರಿಯು ಕೇವಲ ನ್ಯಾಯಾಂಗದ ಒಳಗೆ ಸೀಮಿತವಾಗಿಲ್ಲ. ಸಮುದಾಯದ ಪ್ರಗತಿಗಾಗಿ, ಹಿಂದೂ ಧಾರ್ಮಿಕ ಹಿತಾಸಕ್ತಿಗಳ ಪರ, ಮತ್ತು ಸಮಾಜದ ಸಮಾನತೆಯ ಕೆಲಸಕ್ಕಾಗಿ ಅವರು ನಿರಂತರ ಹೋರಾಟ ಮಾಡುತ್ತಿರುವ ನಾಯಕ.

ನ್ಯಾಯಾಂಗದ ದಿಗ್ಗಜ – ವಕೀಲ ವೃತ್ತಿಯ ಪಯಣ

ಕಾನೂನು ಮತ್ತು ಧಾರ್ಮಿಕ ಕ್ಷೇತ್ರದಲ್ಲಿ ತಕ್ಷಣವೇ ಹೆಸರು ಮಾಡುವುದು ಸುಲಭವಲ್ಲ. ಆದರೆ, ಅಶೋಕ ಹಾರನಹಳ್ಳಿ ಅವರು ತಮ್ಮ ತೀಕ್ಷ್ಣ ಬುದ್ಧಿಮತ್ತೆ, ಕಾನೂನು ಜ್ಞಾನ, ಮತ್ತು ನ್ಯಾಯಪ್ರಿಯತೆಯಿಂದ ರಾಜ್ಯದ ಹೈಕೋರ್ಟ್ ಹಾಗೂ ಸುಪ್ರೀಂ ಕೋರ್ಟ್ ಮಟ್ಟದಲ್ಲೂ ಗುರುತಿಸಿಕೊಂಡಿದ್ದಾರೆ.
ಹಿರಿಯ ವಕೀಲನಾಗಿ, ಹಠಾತ್ ನಿರ್ಧಾರಗಳನ್ನು ಪ್ರಶ್ನಿಸುವ, ಸರ್ಕಾರದ ಅತಿಕ್ರಮಣವನ್ನು ತಡೆಗಟ್ಟುವ, ಮತ್ತು ತಳಹದಿಯಲ್ಲಿರುವವರಿಗೆ ನ್ಯಾಯ ಒದಗಿಸುವ ಕೆಲಸದಲ್ಲಿ ಅವರು ಸದಾ ಮುಂಚೂಣಿಯಲ್ಲಿದ್ದಾರೆ.

ನ್ಯಾಯ ಮತ್ತು ಧರ್ಮದ ಸೇತುಬಂಧ**

ನ್ಯಾಯಾಂಗ, ಧರ್ಮ, ಮತ್ತು ರಾಜಕೀಯ – ಈ ಮೂರು ಅಂಶಗಳನ್ನೂ ಸಮಾನವಾಗಿ ಜೋಡಿಸಿ, ಸಮುದಾಯದ ಒಗ್ಗಟ್ಟಿಗೆ, ಸಾಮಾಜಿಕ ನ್ಯಾಯಕ್ಕೆ, ಮತ್ತು ಧಾರ್ಮಿಕ ಹಿತಾಸಕ್ತಿಗೆ ಧ್ವನಿ ನೀಡುತ್ತಿರುವ ವ್ಯಕ್ತಿ ಅಶೋಕ ಹಾರನಹಳ್ಳಿ

ಅವರು ಹಲವಾರು ಪ್ರಮುಖ ಪ್ರಕರಣಗಳಲ್ಲಿ ನ್ಯಾಯ ಹೋರಾಟ ನಡೆಸಿದ್ದು, ನೈಸರ್ಗಿಕ ನ್ಯಾಯ ಮತ್ತು ಪ್ರಜಾಪ್ರಭುತ್ವದ ರಕ್ಷಣೆಯ ಪರ ನಿಂತಿದ್ದಾರೆ. ನ್ಯಾಯಾಂಗ ವ್ಯವಸ್ಥೆಯ ಸ್ವತಂತ್ರತೆ ಮತ್ತು ಸಾರ್ವಜನಿಕ ಹಿತಾಸಕ್ತಿಯುಳ್ಳ ತೀರ್ಪುಗಳು ಅವರ ವಕಾಲತ್ತಿನ ಪ್ರಮುಖ ಅಂಶಗಳಾಗಿವೆ.

ಬ್ರಾಹ್ಮಣ ಸಮುದಾಯದ ಹಿತಾಸಕ್ತಿ – ಸಮುದಾಯದ ನಾಯಕನಾಗಿ

ಇದು ಎಲ್ಲರಿಗೂ ಗೊತ್ತಿರುವ ಅಂಶ: ಅಶೋಕ ಹಾರನಹಳ್ಳಿ ಕೇವಲ ವಕೀಲನಷ್ಟೇ ಅಲ್ಲ, ಅವರು ಸಮಾಜಮುಖಿ ನಾಯಕ.

ಅಖಿಲ ಕರ್ನಾಟಕ ಬ್ರಾಹ್ಮಣ ಮಹಾಸಭಾದ (AKBMS) ಅಧ್ಯಕ್ಷರಾಗಿರುವ ಅವರು, ಸಮುದಾಯದ ಏಳಿಗೆಗಾಗಿ ನಿರಂತರವಾಗಿ ಕೆಲಸ ಮಾಡುತ್ತಿರುವ ಪ್ರಮುಖ ಮುಖಂಡ.
ಒಂದಾನೊಂದು ಕಾಲದಲ್ಲಿ ಬೆಂಗಳೂರು, ಮೈಸೂರು ಭಾಗಕ್ಕೆ ಮಾತ್ರ ಸಿಮೀತ ಎನ್ನುವಂತಿದ್ದ ಬ್ರಾಹ್ಮಣ ಮಹಾಸಭಾವನ್ನು ಇಡೀ ರಾಜ್ಯ ಅಷ್ಟೇ ಅಲ್ಲ ಹೊರ ರಾಜ್ಯದವರಿಗೂ ಪರಿಚಯಿಸಿದ ಕೀರ್ತಿ ಹಾರನಹಳ್ಳಿಯವರಿಗೆ ಸಲ್ಲುತ್ತದೆ.

ಕಳೆದ ಕೆಲವು ದಶಕಗಳಿಂದ, ಬ್ರಾಹ್ಮಣ ಸಮುದಾಯದ ಮೇಲೆ ಹೇರಲಾಗುತ್ತಿರುವ ಆಕ್ಷೇಪಣೆಗಳು, ಹಕ್ಕುಗಳನ್ನು ಕಿತ್ತೆಸೆಯುವ ಪ್ರಯತ್ನಗಳು ಹಾಗೂ ಸಾಂಸ್ಕೃತಿಕ ದಾಳಿಗಳ ವಿರುದ್ಧ ನಿಂತು ಅವರು ಸಮುದಾಯಕ್ಕೆ ಧೈರ್ಯ ತುಂಬುತ್ತಿರುವ ವ್ಯಕ್ತಿಯಾಗಿದ್ದಾರೆ.

” ಇನಾಂ” ಭೂಮಿಯ ಹೋರಾಟ – ದೇವಾಲಯಗಳ ಹಕ್ಕಿಗಾಗಿ ಹೋರಾಟ

ಇತ್ತೀಚೆಗೆ, ದೇವಾಲಯಗಳಿಗೆ ಸಂಬಂಧಿಸಿದ “ಇನಾಂ” ಭೂಮಿಯನ್ನು ಹಿಂದಿರುಗಿಸುವ ಹೋರಾಟದಲ್ಲಿ ಅಶೋಕ ಹಾರನಹಳ್ಳಿ ಪ್ರಮುಖ ಪಾತ್ರ ವಹಿಸಿದ್ದಾರೆ. ಸುಮಾರು 8,000 ಎಕರೆ ‘ಇನಾಂ’ ಭೂಮಿ ರಾಜ್ಯ ಸರ್ಕಾರದ ಒಡತನದಲ್ಲಿದೆ. ಈ ಭೂಮಿಯನ್ನು ಹಿಂದೂ ದೇವಾಲಯಗಳಿಗೆ ಮರಳಿಸಬೇಕು ಎಂಬುದು ಅವರ ಧ್ವನಿ.

” ಈ ಭೂಮಿಯು ದೇವಾಲಯದ ಆಸ್ತಿ. ಅದು ಹಿಂದೂ ಧಾರ್ಮಿಕ ಪರಂಪರೆಯ ಭಾಗ. ಅದನ್ನು ಸರ್ಕಾರದ ಒಡೆಯನನ್ನಾಗಿ ಮಾಡುವುದು ಅನ್ಯಾಯ!” ಎಂದು ಅವರು ರಾಜ್ಯ ಸರ್ಕಾರದ ವಿರುದ್ಧ ಧ್ವನಿಯನ್ನೆತ್ತಿದ್ದಾರೆ. ಇದು ಕೇವಲ ಬ್ರಾಹ್ಮಣ ಸಮುದಾಯವಷ್ಟೇ ಅಲ್ಲ, ಎಲ್ಲ ಹಿಂದೂ ಸಮುದಾಯಗಳಿಗೂ ಮಹತ್ವದ ವಿಷಯ .

ಬ್ರಾಹ್ಮಣರನ್ನು ಗುರಿಯಾಗಿಸುವ ರಾಜಕೀಯದ ವಿರುದ್ಧ ಸಿಡಿದೆದ್ದ ಹೋರಾಟ

ಬ್ರಾಹ್ಮಣರನ್ನು ಗುರಿಯಾಗಿಸಿ ಮಾಡಲಾಗುತ್ತಿರುವ ದಾಳಿಗಳ ಬಗ್ಗೆ ಅವರು ಸದಾ ಎಚ್ಚರಿಕೆಯ ಮಾತುಗಳನ್ನು ಆಡುತ್ತಾರೆ. ಜನವರಿ 2024ರಲ್ಲಿ ನಡೆದ ‘ಅಭಿಜಾತೆ-2024’ ರಾಜ್ಯಮಟ್ಟದ ತೃತೀಯ ವಿಪ್ರ ಮಹಿಳಾ ಸಮ್ಮೇಳನದಲ್ಲಿ ಅವರು ನೀಡಿದ ಹೇಳಿಕೆ ಭಾರೀ ಚರ್ಚೆಗೆ ಕಾರಣವಾಯಿತು.

“ಜಾತಿ ವ್ಯವಸ್ಥೆಯನ್ನು ಬ್ರಾಹ್ಮಣರು ಸೃಷ್ಟಿಸಿಲ್ಲ. ಆದರೆ, ಇಂದು ಬ್ರಾಹ್ಮಣರನ್ನು ಗುರಿಯಾಗಿಸಿ ತಿರಸ್ಕಾರ ಮಾಡುವ ಸಂಸ್ಕೃತಿಯೊಂದನ್ನು ಹುಟ್ಟು ಹಾಕಲಾಗಿದೆ. ಇದನ್ನು ನಾವು ತಡೆಗಟ್ಟಬೇಕು ಎಂದಿದ್ದರು.

ಈ ಹೇಳಿಕೆಯು ಹಲವಾರು ರಾಜಕೀಯ ನಾಯಕರ ತೀವ್ರ ಆಕ್ಷೇಪಣೆಗೆ ಒಳಪಟ್ಟಿತು. ಆದರೆ, ಅವರ ಧೈರ್ಯ, ನ್ಯಾಯ, ಹಾಗೂ ತಿರುಚಿದ ಇತಿಹಾಸವನ್ನು ಸರಿಪಡಿಸುವ ಹೋರಾಟದ ಮನೋಭಾವನೆ, ಅವರ ಬುದ್ಧಿವಂತಿಕೆಯ ನಿಜವಾದ ನೋಟವನ್ನು ತೋರಿಸುತ್ತದೆ ಎನ್ನುವುದರಲ್ಲಿ ಎರಡು ಮಾತಿಲ್ಲ.

ಸಾಮಾಜಿಕ ನ್ಯಾಯ ಮತ್ತು ಪರಿವರ್ತನೆಯ ಹಾದಿಯಲ್ಲಿ

ಅಶೋಕ ಹಾರನಹಳ್ಳಿ ಅವರು ಕೇವಲ ಬ್ರಾಹ್ಮಣರ ಹಕ್ಕುಗಳಿಗಾಗಿ ಹೋರಾಟ ಮಾಡುವ ವ್ಯಕ್ತಿಯಲ್ಲ. ಅವರು ಕರ್ನಾಟಕದ ಸಾಮಾನ್ಯ ಜನತೆಗೆ ನ್ಯಾಯ ಒದಗಿಸುವ ಹಾದಿಯಲ್ಲೂ ಹಲವಾರು ಕೆಲಸಗಳನ್ನು ಮಾಡಿದ್ದಾರೆ.

ರಾಜ್ಯದಲ್ಲಿ ಬ್ರಾಹ್ಮಣರು ಮಾತ್ರವಲ್ಲ, ಸಮುದಾಯದ ಎಲ್ಲ ವರ್ಗಗಳ ಜನರಿಗೆ ಅವಕಾಶ ಸಿಗಬೇಕು ಎಂಬ ಅವರ ನಿಲುವು, ಸಮಾಜದ ಸಮಾನತೆಯ ಪರ ಅವರು ನಡೆಸುತ್ತಿರುವ ಹೋರಾಟದ ಪ್ರಮುಖ ಅಂಶವಾಗಿದೆ.

ನಿರ್ಧಾರ ಸಮಾಜದ್ದು..!

ಅಖಿಲ ಕರ್ನಾಟಕ ಮಹಾಸಭಾ ಚುನಾವಣೆ ಇದೇ ಎಪ್ರಿಲ್ 13 ರಂದು ನಡೆಯಲಿದೆ. ರಾಜ್ಯದ 20 ಜಿಲ್ಲೆಗಳಲ್ಲಿ ಮತದಾನಕ್ಕೆ ಅವಕಾಶ ಕಲ್ಪಿಸಲಾಗಿದೆ.

ಸಹಜವಾಗಿ ಚುನಾವಣೆ ಎಂದಾಕ್ಷಣ ಜಿದ್ದಾಜಿದ್ದಿ ಸಹಜ. ಆದರೆ ಅದೆಲ್ಲವೂ ಸಮಾಜದ ಒಳಿತಿಗಾಗಿರಬೇಕು ಎನ್ನುವುದು ಎಲ್ಲರ ಆಶಯ.ಇಲ್ಲಿ ಸಿಂಪಲ್ ಆಗಿ ಹೇಳಬೇಕೆಂದರೆ ಹಾರನಹಳ್ಳಿ ಮಹಾಸಭಾ ಅಧ್ಯಕ್ಷರಾಗುವುದಕ್ಕಿಂತ ಮುಂಚೆ ಸದಸ್ಯರು ಎಷ್ಟಿದ್ದರು? ಈಗ ಎಷ್ಟಿದ್ದಾರೆ ಎನ್ನುವುದನ್ನು ಗಮನಿಸಿದರೆ ಮಹಾಸಭಾ ಬೆಳವಣಿಗೆ ಎಷ್ಟಾಗಿದೆ ಎನ್ನುವುದು ಗೊತ್ತಾಗುತ್ತದೆ.

ಅಚ್ಚರಿ ಸಂಗತಿ ಎಂದರೆ, ಕಳೆದ ಮಹಾಸಭಾ ಚುನಾವಣೆಯಲ್ಲಿ ಹಾರನಹಳ್ಳಿಯವರನ್ನು ವಿರೋಧಿಸಿದವರೇ ಈಗ ಅವರು ಕೈಗೊಂಡ ಕಾರ್ಯಕ್ಕೆ ಫಿದಾ ಆಗಿದ್ದಾರೆ.

ಈಗ ಬರುವ ಚುನಾವಣೆಯಲ್ಲಿ ಹಾರನಹಳ್ಳಿ ಸ್ಪರ್ಧೆ ಮಾಡಲ್ಲ ಅನ್ನೊ ಮಾತಿದೆ. ಆದರೆ ನಮಗೆ ಅವರು ತೋರಿಸುವ ಅಭ್ಯರ್ಥಿ ಯೇ ನಮ್ಮೆಲ್ಲರ ಅಭ್ಯರ್ಥಿ ಎನ್ನುವ ತೀರ್ಮಾನಕ್ಕೆ ಬಹುತೇಕರು ಬಂದಿದ್ದಾರೆ. ಆಗ ಮಾತ್ರ ಸಮಾಜ ಕಾರ್ಯಗಳು ನಿರ್ವಿಘ್ನವಾಗಿ ನಡೆಯಬಲ್ಲವು. ಯೋಚಿಸಿ.ನಿರ್ಧರಿಸಿ. ನಮಸ್ಕಾರ