ಅನಂತಕುಮಾರ ಅವರ ಶಿಷ್ಯ ಅಭಯ ಮಾತು.
ಅವರೇ ನನ್ನ ರಾಜಕೀಯ ಗುರು.
ಯುವಜನತೆಯ ಆಶಾಕಿರಣವಾದ ಅನಂತಕುಮಾರ
ಬೆಳಗಾವಿ: ಅನಂತಕುಮಾರ್‌ ಅವರು ರಾಜಕೀಯದಲ್ಲಿ ತಾವು ಬೆಳೆಯುವ ಜತೆಗೆ ನೂರಾರು ನಾಯಕರನ್ನು ಬೆಳೆಸಿದ್ದಾರೆಂದು ಬೆಳಗಾವಿ ದಕ್ಷಿಣ ಕ್ಷೇತ್ರದ ಶಾಸಕ ಅಭಯ ಪಾಟೀಲ ಹೇಳಿದ್ದಾರೆ.
ದಿ.ಅನಂತಕುಮಾರ ಅವರ. 64 ನೇ ಜನ್ಮದಿನದಂದು ಅವರನ್ನು ಸ್ಮರಿಸಿ ಈ ಮಾತುಗಳನ್ನು ಅವರು ಹಂಚಿಕೊಂಡಿದ್ದಾರೆ.
ನಾನು ರಾಜಕೀಯ ಕ್ಷೇತ್ರಕ್ಕೆ ಬರಲು ಅನಂತಕುಮಾರ ಅವರೇ ಕಾರಣ ಎಂದು ಅಭಯ ಪಾಟೀಲ ಸ್ಮರಿಸಿದರು.
ರಾಜ್ಯದ ಮೂಲೆ ಮೂಲೆಯಲ್ಲಿಯೂ ಅನಂತ ಕುಮಾರ್‌ ಅವರು ತಮ್ಮ ಬಳಗವನ್ನು ಕಟ್ಟಿದ್ದರು. ಅಷ್ಟೇ ಅಲ್ಲ ಯುವಕರಿಗೆ ಪ್ರೇರಣಾ ಶಕ್ತಿ ಆಗಿದ್ದರು. ಅವರ ಮಾರ್ಗದರ್ಶನದಲ್ಲಿ ಸಾಕಷ್ಟು ಸಾಮಾಜಿಕ ಕ್ಷೇತ್ರದಲ್ಲಿ ಕೂಡ ಕೆಲಸ ಮಾಡಿದ್ದೇನೆ. . ತದ ನಂತರ ರಾಜಕೀಯ ಕ್ಷೇತ್ರಕ್ಕೆ ಬರಲು ಅವರೇ ಕಾರಣೀಭೂತರು ಎಂದು ಅವರೊಂದಿಗಿದ್ದ ಸಂಗತಿಗಳನ್ನು ನೆನಪಿಸಿಕೊಂಡರು
