ಗೋಕಾಕ:
“ಜನವೂ ಬದುಕೆ, ಜಾನುವಾರುಗಳೂ ಬದುಕೆ — ನೀರಿಲ್ಲದ ಬದುಕು ನಿಶ್ಶಬ್ದ ತಾಣ!” ಎಂಬ ಚಿಂತನೆಯೊಂದಿಗೆ ಅರಭಾವಿ ಶಾಸಕ ಬಾಲಚಂದ್ರ ಜಾರಕಿಹೊಳಿ ಅವರು ಗುರುವಾರ ಸಂಜೆ ಗೋಕಾಕದ ಎನ್‌ಎಸ್‌ಎಫ್ ಕಚೇರಿಯಲ್ಲಿ ಗೋಕಾಕ ಮತ್ತು ಮೂಡಲಗಿ ತಾಲ್ಲೂಕುಗಳ ಅಧಿಕಾರಿಗಳ ಸಭೆ ಕರೆದು ಬೇಸಿಗೆಯ ನೀರಿನ ಸಮಸ್ಯೆಗೆ ಮುನ್ನೆಚ್ಚರಿಕೆಯ ಕ್ರಮ ಕೈಗೊಳ್ಳುವಂತೆ ಗಂಭೀರ ಸೂಚನೆ ನೀಡಿದರು.
ಹೊನಕುಪ್ಪಿ, ಲಕ್ಷ್ಮೇಶ್ವರ, ಸಿದ್ಧಾಪುರ ಹಟ್ಟಿ ಮುಂತಾದ ಗ್ರಾನಗಳಲ್ಲಿ
ಈಗಾಗಲೇ ಟ್ಯಾಂಕರ್‌ಗಳ ಮೂಲಕ ನೀರು ಸರಬರಾಜು ನಡೆಯುತ್ತಿದೆ. “ಇದನ್ನು ತಕ್ಷಣ ಲಘುವಾಗಿ ಪರಿಗಣಿಸಬೇಡಿ. ಸ್ಥಿತಿಗತಿಯ ಮೇಲೆ ನಿಗಾ ಇಡಬೇಕು. ಸಮಸ್ಯೆ ಬರುವ ಮೊದಲು ಪರಿಹಾರವು ತಲುಪಬೇಕು,” ಎಂದು ಶಾಸಕರು ಅಧಿಕಾರಿಗಳಿಗೆ ಸಂದೇಶ ನೀಡಿದರು.
ಮುಂಗಾರು ತಯಾರಿಯ ಎಚ್ಚರಿಕೆ
ಜೂನ್-ಜುಲೈ ತಿಂಗಳಲ್ಲಿ ಧಾರಾಕಾರ ಮಳೆ ಸುರಿದರೆ ಲೋಳಸುರ ಸೇತುವೆ ಮೇಲೆ 70,000 ಕ್ಯೂಸೆಕ್ಸ್ ನೀರು ಹರಿಯುವ ಸಂಭವವಿದೆ. ಈ ವೇಳೆ ಘಟಪ್ರಭಾ ನದಿ ತೀರದ ಜನರ ಬದುಕು ಪುನಃ ಪ್ರವಾಹದ ಭೀತಿಗೆ ಸಿಲುಕಬಾರದು ಎಂದು ಶಾಸಕರು ಎಚ್ಚರಿಕೆ ನೀಡಿದರು.
” ಈಗಲೇ ತಯಾರಿ ಮಾಡಿಕೊಳ್ಳಬೇಕು. ನೀರಿನ ಕಡತವೋ ಅಥವಾ ಪ್ರವಾಹದ ಆತಂಕವೋ – ಯಾವುದಕ್ಕೂ ನಾವು ಸಿದ್ಧರಾಗಬೇಕು,” ಎಂದು ಅವರು ಕಿವಿಮಾತು ಹೇಳಿದರು.
ಜಲ ಬಿತ್ತನೆಗೆ ನೆರವಾದ ಸತೀಶ ಜಾರಕಿಹೊಳಿ
“ಜಿಲ್ಲಾ ಉಸ್ತುವಾರಿ ಸಚಿವ ಸತೀಶ ಜಾರಕಿಹೊಳಿ ಅವರ ವಿಶೇಷ ಗಮನದ ಫಲವಾಗಿ ಈಗಾಗಲೇ ಹಿಡಕಲ್ ಜಲಾಶಯದಿಂದ ಘಟಪ್ರಭಾ ನದಿಗೆ ನೀರನ್ನು ಬಿಡಲಾಗಿದ್ದು, ಮುಂದಿನ ಹತ್ತು ದಿನಗಳ ಕಾಲ ಎಡದಂಡೆ ಮತ್ತು ಬಲದಂಡೆ ಕಾಲುವೆಗಳ ಮೂಲಕ ನೀರಿನ ಹರಿವು ಖಚಿತವಾಗಿದೆ,” ಎಂಬ ಮಾಹಿತಿಯನ್ನು ಶಾಸಕರು ನೀಡಿದರು.
ನೀರು ಬರುವಂತೆ ನೋಡಿಕೊಳ್ಳಿ, ಜನ ನಿಗ್ರಹಗೊಳ್ಳದಂತೆ ನೋಡಿಕೊಳ್ಳಿ
ಅಧಿಕಾರಿಗಳಿಗೆ ನೀಡಿದ ಖಡಕ್ ಸಂದೇಶದಲ್ಲಿ, ಜನರ ಮನೆ ಬಾಗಿಲಿಗೆ ತಲುಪುವ ತನಕ ನೀರಿನ ವ್ಯವಸ್ಥೆ ಖಚಿತವಾಗಬೇಕು ಎಂಬ ಸೂಚನೆ ಸ್ಪಷ್ಟವಾಗಿತ್ತು. ತಹಶೀಲ್ದಾರ್‌ಗಳು, ಪಿಡಿಓಗಳು, ಇಂಜಿನಿಯರ್‌ಗಳು, ಪಿಎಸ್‌ಐ ಹಾಗೂ ವಿವಿಧ ಇಲಾಖೆಗಳ ಅಧಿಕಾರಿಗಳು ಸಭೆಯಲ್ಲಿ ಭಾಗವಹಿಸಿದ್ದರು
