ಹುಕ್ಕೇರಿಯಲ್ಲಿ ಜಾರಕಿಹೊಳಿ ರಾಜಕೀಯ ವರ್ಜಿತ ಕ್ಷೇತ್ರ ಸಾಬೀತು!
ವಿದ್ಯುತ್ ಸಹಕಾರ ಸಂಘದ ‘ಪ್ಲೇಮ್ಯಾಕ್ಸ್’ ನಾಟಕದಲ್ಲಿ ಜಾರಕಿಹೊಳಿಯೇ ಸ್ಕ್ರಿಪ್ಟ್ ರೈಟರ್, ಡೈರೆಕ್ಟರ್, ನಾಯಕ!
ಬೆಳಗಾವಿ:
ಹುಕ್ಕೇರಿ ಕ್ಷೇತ್ರದ ರಾಜಕೀಯ ಛತ್ರದಲ್ಲಿ ಈಗೊಂದು ನಿಜಾನಿಜದ ಮಹಾಯುದ್ಧ ನಡೆಯುತ್ತಿದೆ. ಆದರೆ ಈ ಯುದ್ಧದಲ್ಲಿ ಶತ್ರುಗಳು ಇನ್ನೂ ತಲೆ ಎತ್ತುವ ಮೊದಲು ಜಾರಕಿಹೊಳಿ ಬಲಗತಿಗೆ ಶರಣಾಗುತ್ತಿದ್ದಾರೆ.
ಸಹಕಾರಿ ಕ್ಷೇತ್ರ, ವಿಶೇಷವಾಗಿ ವಿದ್ಯುತ್ ಸಹಕಾರ ಸಂಘದ ಆಡಳಿತ ತಂತ್ರದಲ್ಲಿ ಈಗಾಗಲೇ ಬಾಲಚಂದ್ರ ಜಾರಕಿಹೊಳಿ ಬೃಹತ್ ಗೆಲುವಿನತ್ತ ದಾಪುಗಾಲಿಡುತ್ತಿದ್ದಾರೆ.
ಇದೊಂದು ಸಂಘದ ಚುನಾವಣೆ ಮಾತ್ರವಲ್ಲ – ಇದು ಜಾರಕಿಹೊಳಿ ಕುಟುಂಬದ ರಾಜಕೀಯ ಆಳವೈಶಾಲ್ಯದ ಪ್ರದರ್ಶನ!
ನಾಳೆ ದಿ. 23ಕ್ಕೆ ನಡೆಯಲಿರುವ ಆಯ್ಕೆ ಪ್ರಕ್ರಿಯೆಗೂ ಮುನ್ನ, ಈಗಾಗಲೇ 15 ನಿರ್ದೇಶಕರಲ್ಲಿ 11 ಮಂದಿ ಖಂಡಿತವಾಗಿ ಜಾರಕಿಹೊಳಿ ಪರ ಜೈ ಎಂದಿದ್ದಾರೆ..
ಇದು ಮಾತ್ರವಲ್ಲದೆ, ಕಳೆದ ಕೆಲವು ದಿನಗಳಿಂದ ‘ಗಾಯಬ’ ಆಗಿದ್ದ ನಿರ್ದೇಶಕರು ಬೆಳಗಾವಿಯ ಖಾಸಗಿ ಹೋಟೆಲ್‌ನಲ್ಲಿ ನಡೆದ ಖಾಸಗಿ ಸಭೆಯಲ್ಲಿ ಜಾರಕಿಹೊಳಿ ಬಲಪಂಕ್ತಿಗೆ ನಿಷ್ಠೆ ಸೂಚಿಸಿದ್ದಾರೆ. ಈ ಎಲ್ಲಾ ನಡೆಯು ರಾಜಕೀಯ ಗಣಿತಕ್ಕಿಂತ ಭದ್ರವಾದ ಭವಿಷ್ಯದ ಮಾದರಿಯಾಗಿದೆ.
ಈ ರಾಜಕೀಯ ಬಿಕ್ಕಟ್ಟಿನಲ್ಲಿ ಸ್ಪಷ್ಟವಾಗಿದೆ – ಜಾರಕಿಹೊಳಿ ಕುಟುಂಬ ಆಟದ ನಿಯಮಗಳನ್ನು ತಾವು ಬರೆದಂತೆ ಆಡಿಸುತ್ತಿದ್ದಾರೆ. ಕಲಗೌಡ ಪಾಟೀಲ ನೇತೃತ್ವದ ಆಡಳಿತ ಮಂಡಳಿಗೆ ಈ ‘ಅವಿಶ್ವಾಸ ರಂಗೋಲಿಗೆ’ ಸಿದ್ಧತೆಯೇ ಇಲ್ಲ. ಅಣ್ಣಾಸಾಹೇಬ ಜೊಲ್ಲೆ ಅವರ ಸಂಯೋಜನೆ, ಬಾಲಚಂದ್ರ ಜಾರಕಿಹೊಳಿ ಅವರ ನಿರ್ದೇಶನ – ಈ ಎರಡು ಶಕ್ತಿಗಳು ಒಟ್ಟಾಗಿ ಬಂದು ಸಹಕಾರಿ ಕ್ಷೇತ್ರವನ್ನು ವಶಪಡಿಸಿಕೊಳ್ಳುವ ‘ಪ್ಲೇಮ್ಯಾಕ್ಸ್’ ತಂತ್ರ ಜಾರಿಗೊಳಿಸುತ್ತಿವೆ.
ಇದು ಹುಕ್ಕೇರಿ ಕ್ಷೇತ್ರದಲ್ಲಿ ಜಾರಕಿಹೊಳಿ ಕುಟುಂಬದ ಅದೃಶ್ಯ ರಾಜಕೀಯ ಆಸ್ಥಾನ ಮತ್ತೊಮ್ಮೆ ದೃಢವಾಗುತ್ತಿರುವ ಸಂಕೇತ. ಇದೊಂದು ಸಂಸ್ಥೆಯ ಚುನಾವಣೆಗೂ ಮೀರಿ, ಬೆಳಗಾವಿ ಜಿಲ್ಲೆಯ ರಾಜಕೀಯ ನಿರ್ಣಯಶೀಲತೆಯ ದಿಕ್ಕು ತೋರಿಸುವ ಬೆಳಕು.
ಇಲ್ಲಿಯವರೆಗೆ ಎಲ್ಲರೂ ಚುನಾವಣೆ ಗೆಲ್ಲಲು ಸ್ಪರ್ಧಿಸುತ್ತಿದ್ದರು. ಆದರೆ ಜಾರಕಿಹೊಳಿ ಆಟವನ್ನೇ ಆಡುವವರಾಗಿದ್ದಾರೆ.
