ಹುಬ್ಬಳ್ಳಿಯಲ್ಲಿ ಸಂಯುಕ್ತ ಕರ್ನಾಟಕ ನೌಕರರ ಸಂಘದ ಅಪೂರ್ವ ಸಮಾರಂಭ .
**ಸಿಬ್ಬಂದಿ ಮಕ್ಕಳ ಸಾಧನೆಗೆ ಸನ್ಮಾನ;
ಡಿಸಿಪಿ ರವೀಶ್ ಅವರಿಂದ ಮಾತೃಪಿತೃ ಭಕ್ತಿ, ಸದಾಚಾರದ ಮಾರ್ಗದರ್ಶನ
ಲೋಕಶಿಕ್ಷಣ ಟ್ರಸ್ಟ್ ಅಡಿಯಲ್ಲಿ ನಡೆಯುತ್ತಿರುವ ಸಂಯುಕ್ತ ಕರ್ನಾಟಕಕ್ಕೆ ಓದುಗರೇ ಮಾಲೀಕರು!”*
ಹುಬ್ಬಳ್ಳಿ,
“ಪತ್ರಿಕೆಗಳು ಸಮಾಜದ ಕಣ್ಣು-ಕಿವಿ; ಸಂಯುಕ್ತ ಕರ್ನಾಟಕ ಅದರಲ್ಲಿ ಶ್ರೇಷ್ಠತೆಯ ಪರ್ಯಾಯ ಎಂದು ಡಿಸಿಪಿ. ಮಹಾನಿಂಗ ನಂದಗಾವಿ ಹೇಳಿದರು.
ಸಂಯುಕ್ತ ಕರ್ನಾಟಕ ನೌಕರರ ಸಂಘ ಆಯೋಜಿಸಿದ ಪ್ರತಿಭಾ ಪುರಸ್ಕಾರದಲ್ಲಿ ಅವರು ಮಾತನಾಡಿದರು. ಕರ್ನಾಟಕದ ಗೌರವವನ್ನು ವಿಶ್ವದಾದ್ಯಂತ ಉನ್ನತ ಹುದ್ದೆಗಳಿಂದ ಏರಿಸುತ್ತಿರುವ ಸಂಯುಕ್ತ ಕರ್ನಾಟಕ ಪತ್ರಿಕಾ ಸಿಬ್ಬಂದಿಯ ಮಕ್ಕಳ ಪ್ರತಿಭೆ, ಪರಿಶ್ರಮ ಮೆಚ್ಚುವಂತಹುದು ಎಂದರು. ೨೦೨೨-೨೩, ೨೩-೨೪ ಮತ್ತು ೨೪-೨೫ನೇ ಸಾಲಿನ ಎಸ್.ಎಸ್.ಎಲ್.ಸಿ., ಪಿಯುಸಿ ಪರೀಕ್ಷೆಯಲ್ಲಿ ಉತ್ತುಂಗ ಅಂಕಗಳಿಸಿದ ೪೦ಕ್ಕೂ ಅಧಿಕ ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರ ಸಮಾರಂಭದಲ್ಲಿ ಪುರಸ್ಕೃತರಾಗಿ ಹೆಮ್ಮೆಗೊಂಡರು.
ಮಾತೃಪಿತೃ ಭಕ್ತಿ, ಸದಾಚಾರ:
ಹು-ಧಾ ಕಮಿಶನರೇಟ್ ಸಂಚಾರ ಉಪಪೊಲೀಸ್ ಆಯುಕ್ತ ರವೀಶ್ ಸಿ.ಆರ್. ಅವರು ಮುಖ್ಯ ಅತಿಥಿಯಾಗಿ ಆಗಮಿಸಿ ಮಾತನಾಡಿ, ಮಕ್ಕಳ ಮುಂದೆ ವಂಚನೆ, ದುರ್ಗುಣಗಳ ಬೀಜ ಬಿತ್ತಬೇಡಿ. ಅಂಕಗಳ ಹಿಂದೆ ಅಂಧರಾಗಬೇಡಿ. ಸಂಯುಕ್ತ ಕರ್ನಾಟಕದಂತಹ ಪತ್ರಿಕೆಗಳನ್ನು ಓದಿ, ಲೋಕಜ್ಞಾನ ಗಳಿಸಿ. ಪ್ರಕೃತಿಯೊಂದಿಗೆ ಕಾಲ ಕಳೆಯಲು ಅವಕಾಶ ನೀಡಿ ಎಂದು ಕಿವಿ ಮಾತು ಹೇಳಿದರು.
*ಮಾತಾಪಿತೃಗಳಿಗೆ ಗೌರವ** ಕೊಡುವುದು, ಸ್ವಾರ್ಥರಹಿತ ಜೀವನವೇ ಶ್ರೇಷ್ಠ ಮಾರ್ಗ ಎಂದು ಅವರು ಹೇಳಿದರು.
“ಪತ್ರಿಕಾ ಸಿಬ್ಬಂದಿ ರಾತ್ರಿ-ಪಗಲು ಸೇವೆ ಸಲ್ಲಿಸುತ್ತಾರೆ. ಕುಟುಂಬಕ್ಕೆ ಸಮಯ ಕೊಡಲಾಗದಿರುವುದು ವಾಸ್ತವ. ಆದರೂ ಇವರ ಮಕ್ಕಳು ವೈದ್ಯ, ಎಂಜಿನಿಯರ್, ಆಡಳಿತಗಾರರಾಗಿ ಉನ್ನತ ಹುದ್ದೆಗಳಲ್ಲಿ ಕರ್ನಾಟಕದ ಹೆಸರು ಉಜ್ವಲಗೊಳಿಸಿದ್ದು ಗರ್ವದ ಸಂಗತಿ!” ಮಹಾನಿಂಗ ನಂದಗಾವಿ ಡಿಸಿಪಿ
ಕ್ರೀಡಾ ವಿಜೇತರಿಗೆ ಬಹುಮಾನ, ಸಮಾರಂಭದಲ್ಲಿ ಪುರುಷ ಮತ್ತು ಮಹಿಳಾ ಸಿಬ್ಬಂದಿಗಾಗಿ ನಡೆದ ಕ್ರೀಡಾಕೂಟಗಳ ವಿಜೇತರಿಗೆ ಬಹುಮಾನಗಳನ್ನು ವಿತರಿಸಲಾಯಿತು.
ಸಂಯುಕ್ತ ಕರ್ನಾಟಕ ಸಿಇಓ ಮೋಹನ ಹೆಗಡೆ ಮಾತನಾಡಿ, ಪತ್ರಿಕೆಯ ೯೩ ವರ್ಷಗಳ ಗೌರವಯುತ ಇತಿಹಾಸವನ್ನು ನೆನಪಿಸಿದರು: ಸ್ವಾತಂತ್ರ್ಯ ಪೂರ್ವದಿಂದಲೂ ನಾಡಿನ ನೆಲ-ನೀರಿನ ಹಿತರಕ್ಷಣೆಗಾಗಿ ಸಂಘರ್ಷಿಸಿದ ಈ ಪತ್ರಿಕೆಗೆ ಓದುಗರೇ ನಮ್ಮ ಮಾಲೀಕರು ಎಂದರು.
ಡಿಜಿಟಲ್ ಯುಗದ ಸವಾಲುಗಳನ್ನು ಎದುರಿಸಿ, ಶತಮಾನೋತ್ಸವದತ್ತ ನಡೆಯುತ್ತಿದೆ ಎಂದು ಅವರು ಹೇಳಿದರು.
ಇದೇ ಸಂದರ್ಭದಲ್ಲಿ ಸಮಾರಂಭಕ್ಕೆ ಆಗಮಿಸಿದ ಗಣ್ಯರನ್ನು ಸನ್ಮಾನಿಸಲಾಯಿತು. *ಸಂಘದ ಅಧ್ಯಕ್ಷ ವಿಲಾಸ್ ಜೋಶಿ ಅಧ್ಯಕ್ಷತೆ ವಹಿಸಿ ಎಲ್ಲರ ಸಹಕಾರ ಇದೇ ರೀತಿ ಇರಲಿ ಎಂದರು. ಇದೇ ಸಂದರ್ಭದಲ್ಲಿ ಡಿಸಿಪಿ ನಂದಗಾವಿ, ವಿರೇಶ್ ಮತ್ತು ಮೋಹನ ಹೆಗಡೆ ಗಂಗಾವತಿ ಸಿಲ್ಕ್ ಪ್ಯಾಲೇಸ್ ಮಾಲೀಕ ಆನಂದ ಕಮತಗಿ ಅವರನ್ನು ಸಂಘದ ವತಿಯಿಂದ ಸತ್ಕರಿಸಲಾಯಿತು. ಸಂಘದ ಗೌರವಾಧ್ಯಕ್ಷ ಸುಧೀಂದ್ರ ಹುಲಗೂರ, ಪ್ರಧಾನ ಕಾರ್ಯದರ್ಶಿ ಬಸವರಾಜ ಯರಿಬೈಲ್ ಉಪಸ್ಥಿತರಿದ್ದರು. ವಾಣಿ ದೇಸಾಯಿ ಕಾರ್ಯಕ್ರಮ ನಿರೂಪಿಸಿ ಸ್ವಾಗತಿಸಿದರು. ಸುಶಿಲೇಂದ್ರ ಕುಂದರಗಿ ಪ್ರಾಸ್ತಾವಿಕ ಮಾತನಾಡಿದರು.
