ಎಲ್ಲರ ಚಿತ್ತ ಗೌರ್ನರರತ್ತ. ಬೆಳಗಾವಿಗೆ ಆಗಮಿಸಲಿರುವ ಗೌರ್ನರ್. ಅಭಯ ಪಾಟೀಲ ನೇತೃತ್ವದ ನಿಯೋಗದ ಭೆಟ್ಟಿ.ಗೌರ್ನರ ಸಮಯಕ್ಕೆ ಕಾದು ಕುಳಿತ ಮೇಯರ್. ಶಾಸಕರು.
ಬೆಳಗಾವಿ.
ಶಾಸಕ ಅಭಯ ಪಾಟೀಲ ನೇತೃತ್ವದ ಏಳು ಜನರ ನಿಯೋಗ ನಾಳೆ ದಿ 27 ರಂದು ಪಾಲಿಕೆ ವಿವಾದಕ್ಕೆ ಸಂಬಂಧಿಸಿದಂತೆ ರಾಜ್ಯಪಾಲರನ್ನು ಭೆಟ್ಟಿ ಆಗಲಿದೆ,.
ವಿಟಿಯು ಕಾರ್ಯಕ್ರಮಕ್ಕೆ ಆಗಮಿಸುವ ರಾಜ್ಯಪಾಲರನ್ನು ಬೆಳಗಾವಿಯಲ್ಲಿಯೇ ಭೆಟ್ಟಿ ಮಾಡಿ ಪಾಲಿಕೆಯಲ್ಲಿ ನಡೆದಿರುವ ಘಟನೆಗಳನ್ನು ವಿವರಿಸಲಿದೆ ಎಂದು ಗೊತ್ತಾಗಿದೆ,
ಕಳೆದ ದಿನವಷ್ಟೇ ರಾಜ್ಯಪಾಲರ ಸಮಯ ಕೋರಿ ಮೇಯರ್ ಬರೆದ ಪತ್ರವು ರಾಜಭವನ ತಲುಪಿತ್ತು, ಪಾಲಿಕೆಯ ಕೌನ್ಸಿಲ್ ಗೊತ್ತುವಳಿ ತಿದ್ದುಪಡಿ ಸೇರಿದಂತೆ ಸಚಿವ ಸತೀಶ ಜಾರಕಿಹೊಳಿ ಅನಗತ್ಯ ಹಸ್ತಕ್ಷೇಪ ಉಲ್ಲೇಖಿಸಿ ಮೇಯರ್ ಪತ್ರ ಬರೆದಿದ್ದನ್ನು ಇಲ್ಲಿ ಸ್ಮರಿಸಬಹುದು,
ಹೀಗಾಗಿ ನಾಳೆ ಬೆಳಗಾವಿಗೆ ಬರುವ ರಾಜ್ಯಪಾಲರತ್ತ ಎಲ್ಲರ ಚಿತ್ತ ನೆಟ್ಟಿದೆ.
ಶಾಸಕ ಅಭಯ ಪಾಟೀಲ ನೇತೃತ್ವದ ನಿಯೋಗದಲ್ಲಿ ಸಂಸದೆ ಮಂಗಲಾ ಅಂಗಡಿ, ವಿಧಾನ ಪತಿಷತ್ತಿನ ಮಾಜಿ ಸದಸ್ಯ ಮಹಾಂತೇಶ ಕವಟಗಿಮಠ, ಮಾಜಿ ಶಾಸಕ ಅನಿಲ ಬೆನಕೆ, ಮೇಯರ್ ಶೋಭಾ ಸೋಮನ್ನಾಚೆ, , ಆಡಳಿತ ಪಕ್ಷದ ನಾಯಕರು ಇರಲಿದ್ದಾರೆ.
ಮೇಯರ್ ಪತ್ರ..
ಇಲ್ಲಿ ಪಾಲಿಕೆ ಆಯುಕ್ತರ ಬಗ್ಗೆ ರಾಜ್ಯಪಾಲರು ಸಂಬಂಧಿಸಿದ ಇಲಾಖೆಗೆ ಪತ್ರ ಬರೆದು ವಿವರಣೆ ಕೇಳಬಹುದು,. ಅಥವಾ ಮೇಯರ್ ಅವರು ದಾಖಲೆ ಸಮೇತ ದೂರು ನೀಡಿದರೆ ನೇರವಾಗಿ ಪತ್ರದಲ್ಲಿ ಉಲ್ಲೇಖಿಸಿದಂತೆ ಯುಪಿಎಸ್ಸಿ ಗೆ ಮುಂದಿನ ಕ್ರಮಕ್ಕಾಗಿ ಶಿಫಾರಸ್ಸು ಮಾಡುವ ಸಾಧ್ಯತೆಗಳೂ ಹೆಚ್ಚಾಗಿವೆ. ಬಿಜೆಪಿ ನಿಯೋಗ ಕೂಡ ನೇರವಾಗಿ ಯುಪಿಎಸ್ಸಿಗೆ ಪತ್ರವನ್ನು ಕಳಿಸುವಂತೆ ಮನವಿ ಮಾಡಿಕೊಳ್ಳುವ ಸಾಧ್ಯತೆಗಳಿವೆ.,
ಇಲ್ಲಿ ಆಯುಕ್ತರದ್ದು ದೊಡ್ಡ ತಪ್ಪೇನಲ್ಲ. ಅದೊಂದು ಟೈಪಿಂಗ್ ಮಿಸ್ಟೇಕ್, ಅದನ್ನು ಸರಿ ಮಾಡಬಹುದು ಎಂದು ಸಚಿವರು ಹೇಳಿದ್ದಾರೆ,
ಆದರೆ ಕೌನ್ಸಿಲ್ ಗೊತ್ತುವಳಿಯನ್ನು ತಿದ್ದುಪಡಿ ಮಾಡಿದ್ದು ದೊಡ್ಡ ಅಪರಾಧ, ಈ ನಿಟ್ಟಿನಲ್ಲಿ ಕಟ್ಟು ನಿಟ್ಟಿನ ಕ್ರಮ ತೆಗೆದುಕೊಳ್ಳಬೇಕೆಂದು ಬಿಜೆಪಿಗರ ವಾದವಾಗಿದೆ.
