ಬೆಳಗಾವಿಯಲ್ಲಿ ಅನಾಥ ಅಜ್ಜಿಯ ಅಂತ್ಯ ಸಂಸ್ಕಾರ

ಹಿಂದೂ–ಮುಸ್ಲಿಂ ಸಾಮರಸ್ಯದ ಕಂಗೊಳ

ಬೆಳಗಾವಿ, ಸೆಪ್ಟೆಂಬರ್ 3:
ಅನಾಥ ವೃದ್ಧೆ (ಹಿಂದೂ ಮಹಿಳೆ)ಯ ಅಂತ್ಯಸಂಸ್ಕಾರ ಸಂದರ್ಭದಲ್ಲಿ ಮಾನವೀಯತೆ ಮತ್ತು ಧಾರ್ಮಿಕ ಸಾಮರಸ್ಯದ ಮಾದರಿ ಕಂಗೊಳಿಸಿತು.

ಸಿವಿಲ್ ಆಸ್ಪತ್ರೆಯಲ್ಲಿ 10–15 ದಿನಗಳಿಂದ ಚಿಕಿತ್ಸೆ ಪಡೆಯುತ್ತಿದ್ದ ಆ ವೃದ್ಧೆ ನಿನ್ನೆ ನಿಧನರಾದರು. ಅವರ ಕುಟುಂಬದವರು ಅಥವಾ ಬಂಧುಗಳು ಯಾರೂ ಇಲ್ಲದ ಕಾರಣ ಪರಿಸ್ಥಿತಿ ಚಿಂತಾಜನಕವಾಗಿತ್ತು.

ಈ ವಿಚಾರ ತಿಳಿದ ತಕ್ಷಣ ಖಾದರಿ ಗೀವಳೆ ಅವರು ಮಾಜಿ ಮೇಯರ್ ವಿಜಯ ಮೋರೆ ಅವರಿಗೆ ತಿಳಿಸಿದರು. ವಿಜಯ ಮೋರೆ ತಕ್ಷಣ ಮುಂದಾಗಿ, ಸಕಲ ಹಿಂದೂ ಸಂಪ್ರದಾಯದಂತೆ ವೃದ್ಧೆಯ ಅಂತ್ಯಸಂಸ್ಕಾರ ನಡೆಯುವಂತೆ ವ್ಯವಸ್ಥೆ ಮಾಡಿದರು. ಸದಾಶಿವನಗರ ರುದ್ರ ಭೂಮಿಯಲ್ಲಿ ಅಂತ್ಯಕ್ರಿಯೆ ನೆರವೇರಿತು.

ಈ ಸಂದರ್ಭದಲ್ಲಿ ಹಿಂದೂ–ಮುಸ್ಲಿಂ ಸಮುದಾಯದವರು ಒಟ್ಟಾಗಿ ಬಂದು, “ಅಜ್ಜಿ”ಗೆ ಅಂತಿಮ ಗೌರವ ಸಲ್ಲಿಸಿದರು. ಇದು ಧರ್ಮದ ಅಂತರ ಮೀರಿ ಮಾನವೀಯತೆಯ ನಂಟು ಬಲವಾಗಿದೆ ಎಂಬುದಕ್ಕೆ ಜೀವಂತ ಸಾಕ್ಷಿಯಾಯಿತು.

ಅಂತ್ಯಕ್ರಿಯೆಯ ವೇಳೆ ಗಂಗಾಧರ ಪಾಟೀಲ, ಗಣೇಶ್ ರೋಕಡೆ, ನಿಸಾರ್ ಸಂಶೇರ್, ಅಲನ್ ವಿಜಯ ಮೋರೆ, ದೀಪಕ್, ಸಂಜು, ಹರ್ಷ ಅಮನ್ ತಂಡ, ನಿಗಮದ ಸದಾಶಿವನಗರ ಶ್ಮಶಾನ ಭೂಮಿ ಸಿಬ್ಬಂದಿ ಹಾಗೂ ಹಲವರು ಹಾಜರಿದ್ದರು.

ಈ ಘಟನೆಗೆ ಬೆಳಗಾವಿ‌ನಿವಾಸಿಗಳು ಭಾರಿ ಮೆಚ್ಚುಗೆ ವ್ಯಕ್ತಪಡಿಸಿದ್ದು, ಪ್ರೀತಿ–ಗೌರವ–ಏಕತೆ ಧಾರ್ಮಿಕ ಗಡಿಗಳನ್ನು ಮೀರಿ ಮಾನವೀಯತೆಯನ್ನು ಉಳಿಸಬಹುದು ಎಂಬ ಸಂದೇಶವನ್ನು ಗಡಿನಾಡು ಮತ್ತೆ ಸಾರಿದೆ.