ಒಂದೆಡೆ ಬೌಂಡರಿ… ಮತ್ತೊಂದೆಡೆ ರಕ್ಷಣಾತ್ಮಕ ಆಟ.
!
ಗೋಕಾಕ ಮೈದಾನದಲ್ಲಿ ಕಂಡ ಸತೀಶ್ ಆಟ,
ಜಾರಕಿಹೊಳಿ ರಾಜಕಾರಣದ ಟೈಲರ್
ಗೋಕಾಕ:
ಕ್ರಿಕೆಟ್ ಮೈದಾನದಲ್ಲಿ ಬಾಲ್ ನೋಡಿಕೊಂಡು ಶಾಟ್ ಆಯ್ಕೆ ಮಾಡುವವರು, ವಿಧಾನಸೌಧದ ಒಳಗೆ ಸನ್ನಿವೇಶ ನೋಡಿ ನಿರ್ಧಾರ ಮಾಡುವವರು..
ಅವರೇ ಸತೀಶ ಜಾರಕಿಹೊಳಿ .
ಗೋಕಾಕದಲ್ಲಿ ನಡೆದ ಲಕ್ಷ್ಮಣರಾವ್ ಜಾರಕಿಹೊಳಿ ಸ್ಮಾರಕ ಕ್ರಿಕೆಟ್ ಪಂದ್ಯಾವಳಿಯಲ್ಲಿ ಸಚಿವರು ಆಡಿದ ಪ್ರತಿ ಚಲನವಲನ ಇದಕ್ಕೆ ಸ್ಪಷ್ಟ ಕಾರಣ.
ಲಖನ್ ಜಾರಕಿಹೊಳಿ ಎಸೆದ ಚೆಂಡಿಗೆ ಪಿಚ್ ದಾಟಿ ನಾಲ್ಕು ರನ್ ಹೊಡೆದ ಕ್ಷಣ, “ಅವಕಾಶ ಬಂದಾಗ ಹಿಂದೆ ಸರಿಯುವುದಿಲ್ಲ” ಎಂಬ ಅವರ ಧೋರಣೆಯ ಪ್ರತಿಬಿಂಬವಾಗಿತ್ತು. ಆದರೆ ತಕ್ಷಣದ ಮುಂದಿನ ಬಾಲ್ನ್ನು ಡಿಫೆನ್ಸ್ಗೆ ತಳ್ಳಿದ ರೀತಿ, “ಎಲ್ಲಾ ಚೆಂಡಿಗೂ ಅಟ್ಯಾಕ್ ಬೇಡ” ಎನ್ನುವ ರಾಜಕೀಯ ಜಾಣ್ಮೆಯ ಸಂಕೇತ.
ಲೋಕೋಪಯೋಗಿ ಇಲಾಖೆ ಎಂಬ ಹೈ–ಪ್ರೆಶರ್ ಪೋರ್ಟ್ಫೋಲಿಯೊ ಹೊತ್ತಿರುವ ಸತೀಶ ಜಾರಕಿಹೊಳಿ, ಸರ್ಕಾರದ ಒಳಗೆ ಶಬ್ದವಿಲ್ಲದೇ ಕೆಲಸ ಮುಗಿಸುವ ನಾಯಕ ಎಂದು ಗುರುತಿಸಿಕೊಂಡಿದ್ದಾರೆ. ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರ ಆಪ್ತ ವಲಯದಲ್ಲಿದ್ದರೂ, ಅತಿರೇಕದ ಹೇಳಿಕೆಗಳಿಂದ ದೂರ ಉಳಿಯುವ ಶೈಲಿ ಅವರದ್ದು.
ರಸ್ತೆ ರಾಜಕಾರಣ ಅಲ್ಲ… ‘ರೋಡ್’ ರಾಜಕಾರಣ
ರಸ್ತೆ, ಸೇತು, ಫ್ಲೈಓವರ್ಗಳ ನಿರ್ಮಾಣದಲ್ಲಿ ವೇಗದ ನಿರ್ಧಾರಗಳು, ಟೆಂಡರ್ ವಿಚಾರದಲ್ಲಿ ತಾಳ್ಮೆಯ ಆಟ—ಇದು ಸತೀಶ ಜಾರಕಿಹೊಳಿ ಆಡಳಿತದ ಶೈಲಿ.. ವಿರೋಧಿಗಳ ದಾಳಿಗಳಿಗೆ ತಕ್ಷಣ ಪ್ರತಿದಾಳಿ ಮಾಡುವ ಬದಲು, ಕಾಲವೇ ಉತ್ತರ ಕೊಡುವಂತೆ ಕಾಯುವ ತಂತ್ರವನ್ನು ಅವರು ಬಳಸುತ್ತಿದ್ದಾರೆ.
ವಿರೋಧಿಗಳಿಗೆ ಬೌನ್ಸರ್ ಬೇಡ… ಸ್ಲಿಪ್ನಲ್ಲಿ ಕ್ಯಾಚ್ ಸಾಕು
ಸಾರ್ವಜನಿಕವಾಗಿ ಗದ್ದಲವಿಲ್ಲ, ಆದರೆ ಒಳಗೆ ಗಟ್ಟಿಯಾದ ನಿರ್ಧಾರಗಳು—ಇದೇ ಜಾರಕಿಹೊಳಿ ಶೈಲಿ. ರಾಜಕೀಯದಲ್ಲಿ ಕೆಲವೊಮ್ಮೆ ಸಿಕ್ಸರ್ಗಿಂತ ಸ್ಲಿಪ್ನಲ್ಲಿ ಕ್ಯಾಚ್ ಹಿಡಿಯುವುದೇ ಗೆಲುವಿನ ಗುಟ್ಟು ಎನ್ನುವುದನ್ನು ಅವರು ನಂಬುತ್ತಾರೆ.
ಗೋಕಾಕದ ಮೈದಾನದಲ್ಲಿ ಕಂಡ ಆಟ, ವಿಧಾನಸೌಧದಲ್ಲಿ ನಡೆಯುತ್ತಿರುವ ಆಡಳಿತದ ಪೂರ್ವಾಭ್ಯಾಸವೇ ಎಂಬ ಮಾತುಗಳು ಸ್ಥಳೀಯ ರಾಜಕೀಯ ವಲಯದಲ್ಲಿ ಕೇಳಿಬರುತ್ತಿವೆ.
ಒಂದಂತು ಸ್ಪಷ್ಟ:
ಬಾಲ್ ಯಾವ ವೇಗದಲ್ಲಿ ಬಂದರೂ,
ಸತೀಶ ಜಾರಕಿಹೊಳಿ ಬ್ಯಾಟ್ ಎತ್ತುವ ಮುನ್ನ ಪಿಚ್ ನೋಡುತ್ತಾರೆ..
ಆಟದಲ್ಲೂ ಹಾಗೆ, ಆಡಳಿತದಲ್ಲೂ ಹಾಗೆ.
.
